For kulturkontakt

Kulturkontakten er eit viktig bindeledd mellom skulane, Vestland fylkeskommuen og utøvarane. Her finn du viktig informasjon for kulturkontakten. 

• Kulturkontakten skal halde DKS Vestland oppdatert på timeplanar, elevtal, elevfrie dagar og kontaktinformasjon til kulturkontakt og skulen. Dette gjerast på DKS- portalen.

• Være godt orientert om tilbodet som kjem frå DKS Vestland. 

• Sjekke nettsida www.denkulturelleskolesekken.no/vestland jamleg.

• Sjekke fakta-ark, lærarrettleiing og tekniske spesifikasjonar på www.denkulturelleskolesekken.no/vestland

• Gjere informasjonen om framsyningane lett tilgjengelig, t.d. på oppslagstavler/ lærarrom.

• Vidareformidle og sikre informasjon til kontaktlærarar om dei ulike tilboda.

• Følgje opp elevar eller andre som får delegert ansvar ved besøk på skulen.

• Syte for at lærarane gjev alle elevar informasjon om tilboda slik at dei er godt førebudde. 

• Bestille buss dersom skulen skal reise til ein annan skule eller lokale for å sjå framsyning eller konsert. DKS refunderer alle kostnader til transport når det er DKS som har lagt opp til reise i turneplanen. 

Kontakt med utøvarane på arrangementsdagen

Kulturkontakten er skulen sin kontaktperson for utøvarane. Utøvarane tek kontakt på førehand for å avklare praktiske forhold knytt til framsyninga.

• Vere hyggelig vertskap, ta imot utøvarane og syte for bærehjelp etter behov.

• Vise utøvarane spelestaden, garderobe og lærarrom.

• Ynskje utøvarane velkomne og eventuelt introdusere framsyninga.

• Takke utøvarane.

Sjekkliste for konsert, danse- og teaterframsyingar

• Er konsertlokalet ledig?

• Trengst det bærehjelp?

• Kor lang riggetid har utøvarane, og kor tid kjem dei til skulen?

• Skal det være blending?

• Er temperaturen i lokalet ok?

• Er det nok straum tilgjengelig?

• Korleis  skal elevane plasserast?

Etter framsyninga

Bidra til at skulen/einskildlærarar sender inn evaluering etter besøk/framsyning.

Til slutt

Avklar med utøvarane læraren si rolle under framsyninga; er de publikum på linje med elevene? Kven grip inn i dei tilfella det utviklar seg uheldige situasjonar ved td. uro?